Урал сасси (хаçат)

Урал сасси (хаçат)
Ӳкерчĕк:Урал сасси 1 стр.jpg Урал сасси — Пушкӑртстан чӑвашӗсен хаҫачӗ
Тĕс	Эрнере пĕрре, çырăнмалла
Формат	А3
Кăларакан	Пушкӑртстан Республикин Пичет тата массӑллӑ информаци хатӗрӗсен агентстви
Редактор	Михайлов Юрий Николаевич
Никĕсленĕ	1989 çул
Чĕлхе(сем)	чăваш
Тираж	1000 ытла экз.
Веб-сайт	https://ursassi.ru/

Урал сасси — Пушкӑртстан Республикин Пелепей районĕнче 1989 çултанпа пуçласа эрнесерен чăвашла тухакан хаçат.

Тĕп редакторĕ тата ертсе пыраканĕ Михайлов Юрий Николаевич.

Хаҫат редакцийӗ Пушкӑртстан Республикин Пелепей хулинче вырнаҫнӑ.

Кунҫулӗ

Хаҫата 1989 ҫулхи юпа уйӑхӗнче никӗсленӗ, юпа уйӑхӗн 19-мӗшӗнче пӗрремӗш номерӗ кун ҫути курнӑ. Малтанхи виҫӗ номерне Пушкӑрт АССРӗн Авӑркас районӗн «Ҫӗршыв ҫулӗ», унтан Пишпӳлек районӗн «Ҫутӑ ҫул» тата Пелепей районӗн «Малалла» хаҫачӗсен никӗсӗсем ҫинче, ҫак хаҫатсен редакцийӗсем пулӑшнипе кӑларнӑ.

«Совет Башкортостаны» хаҫатӑн приложенийӗ шутланнӑ. 1990 ҫулта республика кӑларӑмӗн статусне илнӗ. Учредителӗсем Пушкӑртстан Республикин Правительствипе Пушкӑртстан Республикин Парламенчӗ пулнӑ.

Тӗрлӗ ҫулсенче хаҫат редакцийӗнче паллӑ чӑваш ҫыравҫисем, общество ӗҫченӗсем ӗҫленӗ:

• В. Г. Григорьев (Виталий Енӗш),
• Б. Л. Тихонов (Борис Борлен),
• А. С. Савельев-Сас,
• Л. И. Михайлова (Филиппова),
• В. В. Дмитриев (Владимир Аптраман).

Ӳкерчĕк:Урал сасси Редактор Михайлов ЮН.jpg

«Урал сасси» хаҫатӑн тӗп редакторӗ Юрий Михайлов

Хальхи вӑхӑтра

2004 ҫултанпа хаҫатӑн учредителӗ — Пушкӑртстан Республикин Пичет тата массӑллӑ информаци хатӗрӗсен агентстви.

Хаҫат эрнере пӗр хутчен тӗспе тухать. Тиражӗ — 1 пин ытла. Формачӗ — А3.

Редакци хаҫатӑн интернет-версине те аталантарать.

Ӳкерчĕк:Урал сасси Редакция.jpg

«Урал сасси» хаҫат редакцийӗ

Темисем

Хаçатăн темисем чăваш чĕлхипе культурине упрасси тата аталантарасси, йăла-йĕркесем, паллă чăваш тата пушкăрт çыннисем — тӗрлӗ сферӑра ӗҫлекен хастар ҫынсем, общество деятелӗсем, политиксем, ҫыравҫӑсем, ӳнерҫӗсем, юрӑҫсем, спортсменсем — çинчен каласа парасси. Çавăн пекех хаçат Пушкăртстанри «Шуратăл» чăваш литература пĕрлешĕвĕн пайташӗсен ĕçĕсене те пичетлет.

Редакци Пушкӑртстанри чӑваш наци культура автономийӗпе, ытти обществӑпа культура пӗрлешӗвӗсемпе тачӑ ҫыхӑнса ӗҫлет.

Хаҫат вулакансем валли тӑтӑш тӗрлӗ конкурс-акци ирттерет, вӗсенчен чылайӑшӗ йӑлана кӗрсе республика мероприятийӗсен шутне кӗнӗ: «Чӑваш пики» конкурс, ачасен пултарулӑхӗн «Силпи асамачӗ» фестиваль тата ытти те.

Хисепӗсем

• Чӑваш таврапӗлӳҫисен пӗрлӗхӗн Н. Я. Бичурин ячӗллӗ премийӗ (1999),
• «Прессӑн ылтӑн фончӗ» паллӑ (2012),
• Н. В. Никольский орденӗн I степенӗ (2013),
• Чӑваш наци конгресӗн Хисеп грамоти.

Çыхăну

Редакцин почта адресӗ: 452000, Пелепей хули, Малолуговая ур., 53а ç.

Телефон номерĕ: 8-347-86-4-12-78, 8-347-86-3-25-44, 8-347-86-4-22-81.

Электрон адресĕ: uralsassi@mail.ru

Вуламалли

• Автор и руководитель проекта В. П. Комиссаров. Энциклопедия чувашской журналистики и печати(выр.). — Региональная общественная организация «Союз журналистов Чувашской Республики», 2014. — Т. 1. — С. 464. — 559 с. — ISBN 978-5-7670-2156-7.

Çавăн пекех

• Шăпчăк сасси — Пушкăртстан чăвашӗсен эстрада юррин фестивалӗ.
• Аургаза хыпарҫи

Каçăсем

• Хаҫатӑн официаллӑ сайчӗ
• Хаҫатӑн «Контактра» тетелти страници
• Пушкăртстан чăвашĕсем çинчен
• "Урал сасси" сентре ҫинче тусанланмасть
• «Белебеевские известия» — интервью
• Хаҫатӑн 30 ҫулхи юбилейӗ ҫинчен