Симӗс йывӑҫ ҫӗлен
Симӗс йывӑҫ ҫӗлен — китай календарӗпе 2025 ҫулталӑк символӗ.
Ҫӗлен ҫулӗн 2025 ҫулхи кӑрлачӑн 29-мӗшӗнче пуҫланать, 2026 ҫулхи нарӑсӑн 16-мӗшӗнче вӗҫленет[1].
Ҫӗлен ҫулталӑкӗ
Китай гороскопӗнче 12 чӗрчун, вӗсенчен кашнине вӑл е ку ҫулпа ҫыхӑнтарнӑ. Чӗрчун пилӗк элементран пӗринпе ҫыхӑнма пултарать: металл, йывӑҫ, шыв, вут, ҫӗр. Урӑхла каласан 12 ҫул хушшинче пӗр-пӗр ҫулталӑк черетпе ылмашӑнса пуракан элементлӑ вӑл е ку чӗрчун ҫине лекет. Пурӗ 60 тӗрлӗ комбинаци пулма пултарать. Ҫапла вара Китай гороскопӗнчи цикл 60 ҫул хушшинче ҫӗнелет[2].
Гороскопра ҫӗлен 12 ҫултан тӑракан ярӑмра 6-мӗш вырӑн йышӑнать, вӑл ҫакӑн пек элементлӑ пулма пултарать[1]:
- металл (шурӑ) ҫӗленӗ;
- йывӑҫ (симӗс) ҫӗленӗ;
- шыв (кӑвак) ҫӗленӗ;
- вут (хӗрлӗ) ҫӗленӗ;
- ҫӗр (сарӑ) ҫӗленӗ.
Унчченхи ҫӗлен ҫулӗсем
Ҫапла вара унчченхи симӗс йывӑҫ ҫӗлен ҫулталӑкӗ 1965 ҫулта пулнӑ[3].
Символ пирки
Ҫӗлен китай культуринче ҫутҫанталӑк вӑйӗн символӗ шутланнӑ, ҫак чӗрчуна хисепленӗ[2]. Нюйва ятлӑ китай туррине ҫӗлен кӗлеткипе тата ҫын пуҫӗпе ӳкереҫҫӗ[4]. Мифологипе паллаштаракан «Шань хай цзинь» кӗнекере ҫӗленпе эрешленӗ турӑсем ҫинчен ҫырса кӑтарнисем тӗл пулаҫҫӗ.
Ҫӗлен ӑслӑ, чее шутланать, ҫавӑн пекех унӑн лайӑх енӗпе палӑртса унпа вичкӗн ӑса тата шанчӑклӑха ҫыхӑнтараҫҫӗ[5].
2025 ҫулхи символпа пӗр килекен тӗспе стихия (симӗс тата йывӑҫ) тухӑҫра аталанӑва тата ҫӳлелле кармӑшма ӑнтӑлнине кӑтартать.
Симӗс йывӑҫ ҫӗлен ҫулталӑкне кӗтсе илмелли йӑласем
Симӗс йывӑҫ ҫӗлен ҫулталӑкне кил-йышпа е ҫывӑх юлташӗсемпе кӗтсе илеҫҫӗ.
Йӑлана кӗнӗ тӑрӑх, симӗс йывӑҫ ҫӗлен ҫак тум тӗсӗсене кӑмӑллать тесе шутлаҫҫӗ[6]:
- симӗс;
- хӗрлӗ;
- сарӑ (ылтӑн тӗслӗ)
- сӑрӑ;
- хура.
Тумтире вӗтӗ шӑрҫапа, пайеткӑсемпе, тӗрӗпе, стразӑпа илемлетме сӗнеҫҫӗ.
Пӳлӗмсене капӑрлатнӑ чухне сивӗ тӗссемпе[6], ҫавӑн пекех ҫӗлен тирӗ евӗр йӑлтӑртатакан мишурапа усӑ кураҫҫӗ[1].
Уяв сӗтелӗ ҫине тутлӑ апат-ҫимӗҫ лартаҫҫӗ: аш-какай, пулӑ, тинӗс ҫимӗҫӗсем, ҫӑмарта, чӑкӑт.
Ӑнлантарусем
- ↑ 1,0 1,1 1,2 Зеленая Деревянная Змея - символ 2025 года по восточному календарю (2024-10-04). Тӗрӗсленӗ: 2024 ҫулхи Чӳк уйӑхӗн 13-мӗшӗ.
- ↑ 2,0 2,1 Зеленая Деревянная Змея. Что нужно знать о символе 2025 года (2024-09-16). Тӗрӗсленӗ: 2024 ҫулхи Чӳк уйӑхӗн 13-мӗшӗ.
- ↑ Анна Луговая. Каким будет следующий год Змеи по китайскому гороскопу: характеристики и описание знака (2024-10-17). Тӗрӗсленӗ: 2024 ҫулхи Чӳк уйӑхӗн 13-мӗшӗ.
- ↑ Нюйва — создательница человеческих существ. www.epochtimes.ru (9 Ака уйӑхӗн 2016). Пӑхнӑ кун: 2024 ҫулхи Чӳк уйӑхӗн 13-мӗшӗ.
- ↑ Зеленая деревянная змея - символ 2025 года: что важно знать о главном символе. Тӗрӗсленӗ: 2024 ҫулхи Чӳк уйӑхӗн 13-мӗшӗ.
- ↑ 6,0 6,1 Екатерина Козлова. Принесет удачу: каким будет 2025 год Зеленой Деревянной Змеи (2024-11-09). Тӗрӗсленӗ: 2024 ҫулхи Чӳк уйӑхӗн 13-мӗшӗ.
Вуламалли
- Проничева И. А. Роль культурной коннотации в адаптации семантики заимствованных образов в русской лингвокультуре (на примере 12 знаков по восточному календарю) // Тульский научный вестник. Серия История. Языкознание. 2020. № 3.
- Чжан Цзиньлэй, Непомнящих Е. А. Текстологическая специфика гороскопов (на материале русского и китайского языков) // Евразийский Союз Учёных. 2020. № 4-9.
- Цзя Хуэйминь Лунный календарь и знаки зодиака в повседневной культуре Китая // Манускрипт. 2016. № 7-1 .
- Цзя Хуэйминь Китайские новогодние праздники по лунному календарю в повседневной культуре современного Китая // Общество: философия, история, культура. 2016. № 8.