Грот-ҫӑлкуҫ
| Грот-ҫӑлкуҫ | |
|---|---|
 | |
| Водоток | |
| Шыв вӑрри | |
| • Координатсем | |
| Вырнаҫӑвӗ | |
| Патшалӑхсем | |
| Регион | Санкт-Петербург |
| Район | Пушкин хули |
| Логотип РУВИКИ.Медиа РУВИКИ.Медиа ҫинчи материалсем | |
Грот-ҫӑлкуҫ — Сильвио Данини архитектор Санкт-Петербургри Патша Салин Александровски паркӗнче тунӑ постройка, федераци пӗлтерӗшлӗ архитектура палӑкӗ.
Историйӗ
Елизавета Петровна императрица хушнипе XVIII ӗмӗр варринче Савва Чевакинский тата Бартоломео Растрелли архитекторсен проекчӗпе рококо стилӗпе Александровски паркра туса лартнӑ Монбижӑпа (сунар павильонӗпе) юнашар пӗчӗк ҫырма юхса выртнӑ, ӑна ҫӑлкуҫ пуҫарса янӑ. Николай I ертсе пынӑ вӑхӑтра Адам Менеласпа Константин Тон архитекторсене Монбижу павильонне ҫӗнетме хушнӑ. Ӑна вӑтам ӗмӗрсенчи европа тата тухӑҫ хӗҫпӑшалӗн коллекцине упрамалли тата кӑтартмалли павильон — Арсенал туса хунӑ. Ҫак проектпа Менелас хӑй виличченех ӗҫленӗ. Павильонпа юнашар вырнаҫнӑ ҫӑлкуҫа та илӗртӳллӗ сӑн кӗртме йышӑннӑ. Ӑна илемлетме Менелас пӗчӗк грот проектне хатӗрленӗ. Грот-ҫӑлкуҫ Менеласӑн Александровски паркӗ валли тунӑ нумай ҫурт-йӗрӗсенчен пӗри пулса тӑнӑ. Менелас грота вӑтам ӗмӗрсенчи готика архитектурин йӑли-йӗркипе хӑпартнӑ[1][2][3].
1896 ҫулхи ака уйӑхӗн 17-мӗшӗнче Патша Сали управленийӗ ҫумӗнчи С.А. Данини архитектора лартнӑ хыҫҫӑн. Данини Александровски парка реконструкцилес енӗпе анлӑ ӗҫ пуҫарнӑ[4]. Унӑн проекчӗпе Александровски паркра Ҫӳлти тата Анатри Ламски кӗперсем, Павловски водовод урлӑ хывнӑ чул кӗпер, Уйрӑм паркра чул кӗперсем, Александровски плотина туса лартнӑ. Ҫавӑн пекех вӑл Менелас туса лартнӑ Арсенал ҫывӑхӗнчи грот-ҫӑлкуҫа ҫӗнетнӗ[5].
Николай II император грот-ҫӑлкуҫ патӗнче ӳкерӗннӗ сӑн ӳкерчӗк пур. Вӑл ҫак ҫӑлкуҫа юратнӑ, унран шыв ӗҫнӗ тесе калани те тӗл пулать[6].
Палӑк характеристики
Александровски паркӗнчи ҫӑлкуҫ тӗлӗнчи Грот — Ламск кӳлмекне юхса кӗрекен ҫырмана пуҫарса яракан ҫӑлкуҫ ҫинчи пысӑках мар илемлӗ гранит навес.
Грот ҫурма сфера евӗрлӗ. Ӑна юсаман чултан тунӑ, фасад пайне аркӑллӑ шӑтӑк тӑвакан гранит плитасемпе витнӗ. Ҫӑлкуҫ патне илсе пыракан картлашкасене тата ҫырма хӗрринче ларакан сака гранитран тунӑ. Патша вӑхӑтӗнче ҫӑлкуҫа сӑвапланӑ. Унти шыв питӗ таса шутланнӑ[7].
Хальхи вӑхӑтра "Царское Село" Патшалӑх музей-заповедник администрацийӗ ҫӑлкуҫри шыва ӗҫме сӗнмест, мӗншӗн тесен вӑл ӗҫмелли шывсен нормативӗсене (хытӑлӑх кӑтартӑвӗпе) тивӗҫтермест[8].
Галерея
-
Николай II император Александровски паркӗнчи грот патӗнче/ XX ӗмӗр пуҫламӑшӗнчи сӑн ӳкерчӗк -
Арсенал тата Грот-ҫӑлкуҫ -
Грот-ҫӑлкуҫ ҫывӑхран
Ăнлантарусем
- ↑ Руины Ламского павильона. Государственный музей-заповедник «Царское Село». Дата обращения: 14 августа 2016. Архивировано из оригинала 17 августа 2016 года.
- ↑ Пушкин. ИнфоПитер. Дата обращения: 14 августа 2016. Архивировано 15 сентября 2016 года.
- ↑ Семенова Г. В. Царское Село: знакомое и незнакомое. — М.: Центрполиграф, 2010. — С. 356—360. — 640 с. — ISBN 978-5-9524-4916-9.
- ↑ Его работе в этом качестве посвящена глава в книге: Архитекторы Царского Села. От Растрелли до Данини. — СПб.: Аврора, 2010. — С. 280—298. — 320 с. — 2000 экз. — ISBN 978-5-7300-0837-3., а также книга: Козлов А. В. Сильвио Данини: материалы к творческой биографии. — СПб.: Коло, 2010. — 240 с.
- ↑ Данини Сильвио (Валентин Амвросиевич) (1867 — 1942). Энциклопедия Царского Села. Дата обращения: 14 августа 2016. Архивировано из оригинала 30 июня 2015 года.
- ↑ 13. Родник в Александровском парке. Парки Царского Села и его окрестностей. Путеводитель. Дата обращения: 14 августа 2016. Архивировано 14 августа 2016 года.
- ↑ Паспорт здания - ул. Александровский парк, 51 «Грот-родник». prawdom.ru. Дата обращения: 3 августа 2022. Архивировано 3 августа 2022 года.
- ↑ Государственный музей-заповедник «Царское Село». Посетителям / Вопросы и ответы/ 5. Дата обращения: 28 апреля 2019. Архивировано 28 апреля 2019 года.